Għall-elezzjoni ġenerali li se ssir is-Sibt, 3 ta’ Ġunju l-postijiet tal-votazzjoni se jkunu miftuħa mis-7 a.m. sal-10 p.m.
Il-process elettorali huwa fil-bicca l-kbira l-istess bħal dak tal-aħħar elezzjoni. Dan ifisser li se jkun hemm il-possibiltà ta’ votazzjoni kmieni imma mhux votazzjoni minn ambaxxata, b’mandat, bil-posta jew bl-e- jew i-voting.
Biex wieħed jivvota jrid ikollu dokument tal-vot u, biex tkun intitolat għal dan id-dokument, ismek irid jidher fl-aħħar Reġistru Elettorali.
Id-dokument tal-vot jitwassal lill-elettur fl-indirizz irreġistrat f’Malta u jista’ jitħalla jew mal-elettur inniffsu jew ma’ persuna adulta li toqgħod fl-istess indirizz. Jekk id-dokument ma jitwassalx għax ħadd ma jkun id-dar fil-ħin li jitqassam, trid tiġbor id-dokument personalment mill-ufficcji tal-Kummissjoni Elettorali sal-11.59 p.m. tal-Ħamis, 1 ta’ Ġunju.
Jekk fit-3 ta’ Ġunju tkun imsiefer tista’ tivvota kmieni. Il-votazzjoni kmieni issir is-Sibt ta’ qabel jum l-elezzjoni u allura fis-27 ta’ Mejju. Biex tivvota kmieni trid tieħu ġurament mal-Kummissjoni Elettorali sal-jum ta’ qabel (allura, il-Ġimgħa, 26 ta’ Mejju) f’nofsinhar. Votazzjoni kmieni imgħoddija saru fil-Kumpless tal-Għadd tal-Voti (ex-Trade Fair), in-Naxxar.
Pingback: Titjiriet issussidjati għall-elezzjoni ġenerali | Maltin fil-Belġju
Pingback: Il-ġurament għall-votazzjoni kmieni issa jista’ jittieħed ukoll minn barra | Maltin fil-Belġju
Pingback: Votazzjoni kmieni fl-elezzjoni ġenerali ta’ Ġunju | Maltin fil-Belġju