Lejla Letterarja ma’ Immanuel Mifsud (3/2/23, 6 p.m.)

L-Ambaxxata Maltija għall-Belġju se torganizza lejla letterarja mal-awtur u poeta Immanuel Mifsud il-Ġimgħa, 3 ta’ Frar, mis-6 p.m. sas-7 p.m. f’Dar Malta (Rue Archimède 25, Brussell).

Mifsud huwa rebbieħ ta’ bosta premji nazzjonali u internazzjonali u x-xogħlijiet tiegħu ġew tradotti fi ħdax-il lingwa. Għandu dottorat fil-letteratura u jgħallem il-letteratura kontemporanja Maltija u t-teorija letterarja fl-Università ta’ Malta.

Min jixtieq jattendi huwa mitlub jikkuntattja l-Ambaxxata sas-26 ta’ Jannar.

Messaġġ mill-Ambaxxatur il-ġdid

L-Ambaxxatur Malti ġdid għall-Belġju, l-E.T. Clint Tanti, bagħat messaġġ lill-komunità Maltija fil-pajjiż:

Għeżież ħbieb membri tal-komunità Maltija fil-Belġju,

Hu ta’ pjaċir u unur għalija ninfurmakom li għadni kif bdejt inservi bħala l-Ambaxxatur innominat ta’ Malta għall-Belġju.

Peress li ħdimt u għext il-Belġju għal madwar sitt snin, ikolli ngħid li jien familjari mal-isfidi u l-opportunitajiet tal-komunità dejjem tikber tal-Maltin fil-Belġju. Madankollu, nemmen li l-aħjar ħaġa li nista’ nagħmel f’dan l-istadju bikri tal-mandat tiegħi hi li nisma’ l-ideat u l-aspettattivi tagħkom. Ħa nkun qed nagħmel ħilti biex niltaqa’ magħkom kemm jista’ jkun fil-ġimgħat li ġejjin, iżda nħeġġiġkom taqsmu magħna suġġerimenti u inizjattivi biex jissaħħaħ is-sens ta’ komunità bejn il-Maltin fil-Belġju u biex jiġu indirizzati kwistjonijiet li l-komunità qed tiffaċja bħalissa. Nistidinkom li żżommu kuntatt regolari mal-Ambaxxata bħala r-rappreżentanza tagħkom fil-Belġju.

Flimkien mal-kollegi ħa nkun qed nagħmel l-almu tiegħi sabiex insaħħaħ ir-relazzjonijiet bilaterali eċċellenti bejn Malta u l-Belġju u biex niffaċilita u nippromwovi l-kummerc bejn iż-żewġ pajjiżi. Insaħħu r-rabtiet eżistenti u nesploraw koperazzjoni f’oqsma oħra.

Filwaqt li nselli għalikom bit-tama li niltaqgħu fil-futur qarib, nirringrazzjakom tal-attenzjoni tagħkom.

Clint Tanti

Ġurament mill-ambaxxati għal votazzjoni kmieni

Min mhux se jkun Malta nhar l-elezzjoni propja fis-26 ta’ Marzu jista’ jivvota kmieni, ġimgħa qabel, fid-19 ta’ Marzu. Biex jagħmel hekk dak li jkun ikun irid jieħu ġurament sa lejliet f’nofsinhar.

Minbarra fl-Ufficju Elettorali l-Belt dan il-ġurament se jkun jista’ jittieħed fl-ambaxxati fusthom dik f’Brussell.

Appell għal donazzjonijiet għall-‘Istrina’

Bħal kull sena, qed naħdmu mal-Ambaxxata Maltija, niġbru donazzjonijiet sabiex issir għotja lill-Malta Community Chest Fund Foundation waqt L-Istrina f’isem il-komunitajiet Maltin tal-Belġju u l-Lussemburgu.

Minħabba c-cirkustanzi, dis-sena l-Ambaxxata mhux se torganizza attivitajiet tal-Milied u allura mhux se jkun hemm opportunità li jsir ġbir waqt dawn l-attivitajiet.

L-għotja għall-‘Istrina’ ta’ dis-sena

L-għotja li saret għall-Istrina ta’ dis-sena mill-Ambaxxata Maltija fi Brussell u l-komunitajiet Maltin tal-Belġju u l-Lussemburgu kienet ta’ € 1,000. Din is-somma inġabret bl-għajnuna, fost l-oħrajn, tal-assocjazzjoni.

Appell għal donazzjonijiet għall-‘Istrina’

Bħal kull sena, qed naħdmu mal-Ambaxxata Maltija, niġbru donazzjonijiet sabiex issir għotja lill-Malta Community Chest Fund Foundation waqt L-Istrina f’isem il-komunitajiet Maltin tal-Belġju u l-Lussemburgu.

Minħabba c-cirkustanzi, dis-sena l-Ambaxxata mhux se torganizza attivitajiet tal-Milied u allura mhux se jkun hemm opportunità li jsir ġbir waqt dawn l-attivitajiet.

Għalhekk, inħeġġukom aktar minn qatt qabel biex tagħmlu donazzjonijiet b’trasferiment bankarju lejn il-kont tal-assocjazzjoni b’dawn id-dettalji:

IBAN: BE46 0016 1715 8536

BIC: GEBABEBB

Messaġġ: CCF

Min ikun jixtieq konferma jista’ jikkuntattjana bl-email (maltinfilbelgju@gmail.com) wara li jkun għamel it-trasferiment.

Nirringrazzjawkom bil-quddiem għall-ġenerożità tagħkom.

Ħidma tal-Ambaxxata Maltija fi Brussell

Fuq mistoqsija parlamentari tal-Onor. Carm Mifsud Bonnici, il-Ministru Malti tal-Affarijiet Barranin ta rendikont tal-ħidma tal-Ambaxxata Maltija fi Brussell mill-bidu tas-sena ‘l hawn.

Appell għal donazzjonijiet għall-‘Istrina’

Bħal kull sena, se jkunu qed jinġabru fondi biex issir donazzjoni lill-Malta Community Chest Fund waqt il-kampanja ta’ L-Istrina. L-assocjazzjoni qed tmexxi din il-ġabra ta’ fondi bl-għajnuna u l-appoġġ tal-Ambaxxata Maltija.

Quddiesa u riceviment tal-Milied

L-Ambaxxata Maltija għall-Belġju ħarġet stedina għal attività tal-Milied, il-Ġimgħa, 13 ta’ Dicembru f’Dar Malta (Rue Archimède 25, Brussell). L-attività tibda b’quddiesa fis-6.30 p.m. u tkompli b’riceviment fis-7.15 p.m. Ikun apprezzat jekk l-attendenza tkun avżata b’email (events.brussels@gov.mt).

Ħidma tal-Ambaxxata fi Brussell

Fuq mistoqsija Parlamentari, il-Ministru tal-Affarijiet Barranin Carmelo Abela ta rendikont tal-ħidma tal-Ambaxxata Maltija fi Brussell matul l-ewwel erba’ xhur ta’ dis-sena.

Minbarra l-ħidma bilaterali fuq l-oqsma kummercjali u kulturali, l-ambaxxata kienet attiva wkoll fil-qasam konsolari. Filfatt, matul dan il-perjodu, kien hemm:

• 12-il reġistrazzjoni tat-twelid
• żewġ reġistrazzjonijiet taż-żwieġ jew divorzju
• tliet applikazzjoni għac-cittadinanza
• tliet prokuri
• 36 dikjarazzjoni bil-ġurament (relatati mal-votazzjoni kmieni għall-elezzjonijiet Europej u lokali)
• 71 applikazzjoni għal passaport, erba’ dokumenti ta’ vjaġġar t’emerġenza
• erba’ passaporti diplomatiċi
• 13-il talba għal informazzjoni dwar rekwiżiti għal viża għal Malta.