Min mhux se jkun Malta nhar l-elezzjoni propja fis-26 ta’ Marzu jista’ jivvota kmieni, ġimgħa qabel, fid-19 ta’ Marzu. Biex jagħmel hekk dak li jkun ikun irid jieħu ġurament sa lejliet f’nofsinhar.
Minbarra fl-Ufficju Elettorali l-Belt dan il-ġurament se jkun jista’ jittieħed fl-ambaxxati fusthom dik f’Brussell.
Skont tweġiba għal mistoqsija parlamentari, in-numru ta’ studenti Maltin fl-Iskejjel Ewropej għas-sena skolastika li għaddiet kien ta’ 163 (żieda fuq snin imgħoddija). Dawn kienu mqassmin f’21 student fic-ciklu ta’ nursery/kindergarten fl-iskejjel ta’ Brussell u l-Lussemburgu, 79 fic-ciklu tal-Primarja fl-iskejjel ta’ Brussell, il-Lussemburgu, Frankfurt u Munich u 63 fic-ciklu tas-Sekondarja fl-iskejjel ta’ Brussell, Lussemburgu u Varese.
Fl-1 ta’ Mejju daħlet fis-seħħ id-Direttiva dwar il-Protezzjoni Konsolari. Permezz tagħha, cittadin Malti jista’ jitlob protezzjoni konsolari f’konsolat ta’ kwalunkwe pajjiż tal-UE meta jkun barra l-UE. Issa jmiss li din tiġi ikkumplimentata b’aġġornament tad-Direttiva dwar dokument proviżorju tal-ivvjaġġar (bħal passaport t’emerġenza).
Il-Gvern Malti għadu kemm ħa pożizzjoni favorevoli għall-proposta tal-Kummissjoni f’dan is-sens u li ttejjeb is-sigurtà tad-dokument. Huwa intiż li d-dokument ikun disponibbli wkoll fil-missjonijiet Maltin barra minn Malta.
Il-Kummissjoni Elettorali għadha kemm ħabbret li l-ġurament li jrid jittieħed għall-votazzjoni kmieni fis-27 ta’ Mejju u li jrid jittieħed sa nofsinhar il-Ġimgħa, 26 ta’ Mejju issa jista’ jittieħed minn ambaxxata jew kummissjoni għolja.
L-istqarrija tal-Kummissjoni tinkludi wkoll lista ta’ kummissarji tal-ġuramenti li jistgħu jagħtu l-ġurament bl-email tagħhom ħalli jkunu jistgħu jiġu kkuntattjati għal appuntament. Fost l-oħrajn, il-lista tinkludi l-ambaxxata Maltija fi Brussell.
Il-Kunsill għall-Maltin li jgħixu barra minn Malta iltaqa’ aktar kmieni dan ix-xahar. Il-Kunsill iddiskuta l-iskema introdotta ricentement tal-Consul-on-the-move, l-impatt tal-liġijiet tal-ippjanar fuq il-Maltin ta’ barra, titjib fir-relazzjoni tal-Kunsill m’għaqdiet ta’ Maltin ta’ barra, il-pjattaforma diġitali għat-tagħlim tal-Malti barra minn Malta u ż-żamma tal-kultura Maltija barra minn Malta.
Fid-diskors tiegħu bħala l-President tal-Kunsill, il-Ministru George Vella semma’ l-Konvenzjoni tas-sena li għaddiet kif ukoll is-sħubija fil-Europeans throughout the World (ETTW) fejn Malta bħalissa tokkupa temporanjament il-Presidenza u fejn qed taqsam l-esperjenzi tagħha u taħdem favur politika barranija u Ewropea aktar sensittiva lejn id-diaspora.
Fuq mistoqsija parlamentari, il-Ministru tal-Affarijiet Barranin ta rendikont tal-Konvenzjoni tal-Maltin ta’ barra li saret f’Malta f’April tas-sena li għaddiet.
Aġġornament (07/02/2016): Il-Ministru ta rendikont ukoll tal-ispejjeż relatati mal-publikazzjoni tal-ktieb u s-CD tal-Konvenzjoni li kienu ta’ €6,131.33 u €1,235.50 rispettivament.
Fit-tfassil t’abbozz ta’ liġi ġdida dwar il-Kunsill Nazzjonali tal-Ktieb, il-Kunsill qed jorganizza numru ta’ konsultazzjonijiet, fosthom waħda f’Dar Malta fi Brussell fil-15 ta’ Marzu fis-6.30 p.m.
L-għada tal-Milied, il-Malta Community Chest Fund organizzat l-attività annwali L-Istrina ppreseduta mill-E.T. il-President Marie-Louise Coleiro-Preca. L-E.T. Ray Azzopardi, Ambaxxatur ta’ Malta għall-Belġju, u Franklin Mamo, President tal-assocjazzjoni Maltin fil-Belġju asbl, ippreżentaw is-somma ta’ €1,060 lill-President. Mamo spjega kif €450 kien inġabru fl-okkażjoni taż-żjara fi Brussell mill-President f’Ottubru u l-bqija tas-somma inġemgħet bid-donazzjonijiet li waslu wara dakinhar.
Il-Konvenzjoni tal-Maltin ta’ barra se ssir f’Malta bejn l-20 u t-23 t’April 2015. Il-Ministeru tal-Affarijiet Barranin ta’ Malta għadu kemm estenda l-perjodu t’applikazzjoni biex wieħed jippartecipa sal-1 ta’ Settembru. Min jixtieq ikun preżenti jew jippartecipa b’preżentazzjoni huwa mitlub jimla’ dil-formola u jibgħatha lill-organizzaturi (convention2015.mfa@gov.mt). Il-Konvenzjoni se tinkludi wkoll simpożju letterarju u wirja tal-arti ta’ Maltin li joqgħodu barra. Huwa mistenni li l-Ministeru joffri appoġġ finanzjarju għall-ispejjeż tal-vjaġġ fil-każ ta’ dawk li se jkunu qed jagħtu preżentazzjoni.
Maltin fil-Belġju 