Fil-Parlament l-Onor. Carm Mifsud Bonnici staqsa dwar il-wegħda elettorali tal-Gvern li jdaħħal votazzjoni mill-ambaxxati u jekk din il-miżura hux se tkun effettiva għall-elezzjonijiet Ewropej f’Mejju. Il-Prim Ministru wieġeb li f’dan l-istadju l-gvern qed jistudja metodi varji dwar it-twettiq ta’ din il-miżura.
Aġġornament (19/11/2018): L-Onor. Jason Azzopardi staqsa mistoqsija simili.
Fit-2 t’Ottubru l-Parlament Ewropew iddiskuta t-tneħħija tad-dritt tal-vot ta’ cittadini Ewropej li jżercitaw id-dritt ta’ moviment ħieles fl-UE.
Cecilia Wikström (ALDE, Żvezja), President tal-Kumitat tal-Petizzjonijiet, ifformulat il-mistoqsija u fetħet id-dibattitu. Hi semmiet li hemm sitt stati membri tal-UE (fosthom Malta) li jcaħħdu lic-cittadini tagħhom milli jivvotaw fl-elezzjonijiet nazzjonali a bażi ta’ residenza. Hi qalet li l-kumitat tagħha jircievi bosta petizzjonijiet f’dan ir-rigward.
Juliane Bogner-Strauss, għall-Presidenza Awstrijaka, ukoll ippartecipat u rreferiet fost l-oħrajn għar-riforma tal-Att li jikkonċerna l-elezzjoni tal-membri tal-Parlament Ewropew. Il-Kummissarju Věra Jourová qalet li, filwaqt il-Kummissjoni tirrikonoxxi li din materja ta’ kompetenza nazzjonali, żammet is-sitwazzjoni taħt osservazzjoni.
Il-Kunsill tal-UE approva emendi għall-Att dwar l-elezzjoni tal-Membri tal-Parlament Ewropew. Fost l-emendi introdotti bid-Deciżjoni 2018/994 tal-Kunsill hemm il-possibbiltà li, għall-Elezzjonijiet Ewropej, l-Istati Membri idaħħlu miżuri bħal votazzjoni minn qabel, votazzjoni bil-posta u votazzjoni elettronika u fuq l-Internet.
Għalkemm dawn il-miżuri m’humiex obbligatorji, d-Deciżjoni tagħti bażi legali għal meta Stat Membru jagħżel li japplikhom. S’issa Malta tapplika biss il-votazzjoni minn qabel, introdotta fl-2009 u applikabbli għall-elezzjonijiet kollha f’Malta.
Il-Parlament Ewropew kien esprima opinjoni pożittiva dwar din il-bidla u l-Europeans throughout the World (ETTW), il-federazzjoni t’espatrijati Ewropej, kienet ukoll laqgħet dan l-iżvilupp.
Il-film Malti “Simshar” se jkun qed jintwera darbtejn fi Brussell matul ix-xahar ta’ Ġunju. L-ewwel darba li se jintwera se jkun parti minn attività organizzata fuq l-inizjattiva ta’ Marlene Mizzi MEP fit-2 ta’ Ġunju fl-Wesgħa Yehudi Menhuin fil-bini tal-Parlament Ewropew fis-6 p.m. L-attendenza għall-film f’dan il-każ hija suġġetta għal akkreditazzjoni minn qabel.
It-tieni darba li se jintwera l-film se jkun bħala parti mill-Brussels Film Festival. F’dal-każ, il-film se jkun qed jintwera fl-10 ta’ Ġunju fid-9 p.m. fi Studio 5 tac-centru Flagey.
Aġġornament (27/05/2015): Rapport dwar l-avventiment fil-Parlament Ewropew.
L-artista Maltija Marisa Attard qed tippartecipa fil-wirja Fashion Art EU fil-Parlamentarium tal-Parlament Ewropew fi Brussell. Fashion Art EU hi xogħol il-Fashion Art Institute ta’ Madrid u tiġbor 28 ensemble intiżi li jirrapreżentaw l-għeruq kulturali ta’ kull Stat Membru tal-UE, bil-valuri komuni tal-Ewropa jittieħdu bħala ispirazzjoni. Il-wirja tibqa’ għaddejja sal-15 ta’ Mejju u d-dħul huwa b’xejn.
Nhar it-Tlieta li għadda, il-Kumitat tal-Petizzjonijiet tal-Parlament Ewropew iddiskuta petizzjoni imressqa dwar “iċ-ċaħda tad-drittijiet tal-vot taċ-ċittadini tal-UE li jeżerċitaw id-dritt tagħhom għal moviment ħieles u d-diskriminazzjoni bbażata fuq in-nazzjonalità skont il-Karta tad-Drittijiet Fundamentali” (id-diskussjoni dwar il-petizzjoni in kwistjoni tibda f’11:12:28).
Il-kelliem għall-Kummissjoni Ewropea semma kif il-Kummissjoni, wara li rceviet numru sostanzjali t’ilmenti minn cittadini li ġew imcaħħda dan id-dritt, kienet għamlet Rakkomandazzjoni u Komunikazzjoni dwar is-suġġett indirizzati primarjament lejn il-ħames Stati Membri li jirrestrinġu dan id-dritt fuq medda ta’ żmien, fosthom Malta. Continue Reading
Eleanor Scerri se tkun ir-rappreżentant tal-Parmanent Malti mal-Parlament Ewropew fi Brussell. Wara li l-Parlamenti nazzjonali tal-UE ħadu rwol aktar importanti bit-Trattat ta’ Liżbona, bosta Stati Membri tal-UE ħatru ufficjal jew ufficcji biex jirrappreżentaw mal-Parlament Ewropew. Kien hemm dewmien minn naħa ta’ Malta minħabba diffikultajiet finanzjarji.
Għall-Konvenzjoni tal-Maltin ta’ Barra li saret f’Marzu l-assocjazzjoni kienet bagħtet lista ta’ proposti għal rakkomandazzjonijiet. Kienu ntbagħtu wkoll reazzjonijiet għad-diskorsi tal-Ministri tal-Affarijiet Barranin u Edukazzjoni, Xogħol u Familja u kummenti għall-abbozz ta’ Politika Kulturali Nazzjonali.
Inħass il-ħtieġa li dawn il-proposti jinġabru u jiġu approfonditi u aġġornati. Kien għalhekk li llum il-Kunsill t’Amministrazzjoni illum addotta l-manifest tal-assocjazzjoni:
AĦNA, Maltin fil-Belġju, li għandna interessi reali u oġġettivi f’Malta li jitolbu attenzjoni partikolari minn naħa tal-awtoritajiet Maltin, nagħmlu dawn it-talbiet biex id-drittijiet tagħna jkunu eżerċitati aħjar: Continue Reading
Il-Eurobarometer ippubblika rapport Electoral rights of EU citizens: Analytical Report. Dan ir-rapport huwa r-riżultat ta’ sondaġġi li saru fil-pajjiżi membri tal-UE wara l-elezzjonijiet għall-Parlament Ewropew fl-2009.
Fost is-sejbiet interessanti fir-rigward ta’ Malta insibu li l-Maltin huma fost l-aktar li jappoġġaw li cittadini Ewropej mhux Maltin jitħallew jivvutaw u jikkontestaw elezzjonijiet nazzjonali Maltin. Fil-fatt 58% tal-Maltin intervistati kienu favur din il-proposta u 32% kontra, li tqiegħed lil Malta fit-tielet post wara l-Irlanda u Spanja.
Josanne Cassar, opinionista mal-Malta Independent on Sunday, illum kitbet artiklu fejn tirrifletti fuq il-“Ġimgħa Malta” (li ntemmet il-ġimgħa li għaddiet) u l-identità Maltija:
“Bil-pipa bħal captain, mustacci bħal Gable,
l-iskola ma tafx it-tables
Timxi dritt bħal ħadida
Anke bħal Mr tridha
Ajma x’dardir,
Bix-shorts sa rkobbtok
Imbagħad ġo butek issiblek xi sold
Illi tkun tatek oħtok.” Continue Reading
Maltin fil-Belġju 