Fuq mistoqsija tal-Onor. Ivan Bartolo, il-Ministru tal-Familja, Drittijiet tat-Tfal u Solidarjetà Soċjali ta informazzjoni dwar it-trasferiment tal-valur ta’ kontribuzzjonijiet għal pensjoni Maltija għal dik Ewropea.
Mill-2016 sa llum kien hemm b’kollox 22 talba (4 fl-2016, 11 fl-2017 u 7 fl-2018) li minnhom 12 kienu accettati, 6 irtirati u l-bqija għadhom pendenti. Kif mistenni, dawn in-numri jirrappreżentaw tnaqqis żgħir minn numri fl-ewwel snin wara li ddaħħlet l-iskema.
Il-Ministru tal-Affarijiet Barranin qiegħed fuq il-mejda tal-Kamra r-roadmap li kien qabel fuqha il-Kunsill għall-Maltin li jgħixu barra minn Malta fil-laqgħa t’Ottubru 2017. Il-proposti huma miġburin taħt numru ta’ kapitli: Akkademici, Studenti u Ricerkaturi, il-Familja, Pensjonanti u Anzjani, Żgħażagħ u l-Gvern ta’ Malta.
L-Onor. Charlò Bonnici staqsa lill-Ministru għall-Familja u Solidarjetà Socjali dwar in-numru ta’ persuni li talbu trasferiment tal-valur tal-pensjoni tagħhom minn jew lejn is-sistema pensjonarja tal-UE.
It-talbiet għal trasferimenti lejn is-sistema tal-UE kienu 14 fl-2012, 19 fl-2013, 22 fl-2014 u 18 mill-2015. S’issa ma kienx hemm talbiet fl-2016. Minn dawn it-talbiet hemm 5 li għadhom pendenti li kollha saru fl-2015. S’issa għadhom ma sarux talbiex għal trasferiment lejn is-sistema Maltija u lanqas ma kien hemm talbiet taħt l-Avviż Legali 120 tal-2012 li jagħmel possibbli trasferiment għal kontributuri taħt l-Ordinanza tal-Pensjonijiet.
Ta’ min isemmi li sal-aħħar tal-2010, qabel kien introdott il-mekkaniżmu legali biex isiru dawn it-trasferimenti, kien hemm 86 talba għal trasferiment lejn is-sistema tal-UE u 6 għal trasferiment lejn is-sistema Maltija.
Fuq talba tal-Kummissjoni Ewropea, konsorzju Ewropew żviluppa sit biex jiġu ttracjati pensjonijiet Ewropej. Dan is-sit bl-isem ta’ TTYPE (Track and trace your pension in Europe) jgħin biex persuna li tul il-karriera tagħha għamlet kontribuzzjonijiet fis-sistemi tas-sigurtà socjali ta’ diversi Stati Membri tal-UE tkun tista’ titracca dawn il-pensjonijiet.
Illum is-sit tal-Parlament Malti tella’ kopja tar-rapport tal-2014 tal-Kunsill għall-Maltin li jgħixu barra minn Malta. Dan id-dokument tqiegħed fuq il-mejda tal-Kamra minn l-Onor. George Vella, Ministru tal-Affarijiet Barranin u Chairman tal-Kunsill kif rikjest mil-liġi li twaqqaf l-istess Kunsill. Ir-rapport isemmi numru ta’ punti li jinteressaw mill-qrib l-assocjazzjoni fosthom ir-riżoluzzjonijiet dwar l-estensjoni tad-dritt tal-vot f’elezzjonijiet ġenerali u Ewropej, proposti għal bidliet fil-process elettorali, bdil f’isem u ż-żamma ta’ kunjom xbubit l-omm għal dawk li twieldu qabel l-2007 u kwistjonijiet li jolqtu s-sigurtà socjali.
Issa jonqos li, bħal fi snin imgħoddija, il-Kumitat Parlamentari dwar l-Affarijiet Barranin u Ewropej jiddiskuti dan ir-rapport fil-preżenza tal-Ministru.
Riżoluzzjoni oħra tal-Kunsill għall-Maltin li jgħixu barra minn Malta fl-aħħar laqgħa tiegħu kienet dwar il-ħarsien socjali ta’ konjugi ta’ persuni li jaħdmu barra minn Malta mas-servizz pubbliku nazzjonali jew internazzjonali. Ir-riżoluzzjoni tgħid hekk:
Il-Kunsill għall-Maltin li Jgħixu Barra minn Malta,
JINNOTA li l-Att dwar is-Sigurtà Socjali (Kap. 318) ma jagħmilx provvedimenti għal persuna li takkumpanja lill-konjugi tagħha barra minn Malta meta l-konjugi jiġi assenjat xogħol temporanju barra minn Malta.
JIKKUNSIDRA li dan jista’ jkollu effett detrimentali fuq il-pensjoni tal-età li din il-persuna eventwalment tircievi, specjalment meta wieħed jikkunsidra li, skont l-art. 53(1) tal-istess Att, iridu jkunu saru 35 sena ta’ kontribuzzjonijiet (40 sena fil-każ ta’ persuni mwielda wara l-1961) biex wieħed jikkwalifika għar-rata sħiħa tal-Pensjoni taż-Żewġ Terzi. Continue Reading
Fuq mistoqsija tal-assocjazzjoni, id-Dipartiment tas-Sigurtà Socjali f’Malta kkonferma li issa jista’ iħallas pensjonijiet direttament f’kontijiet bankarji fis-Single Euro Payment Area (SEPA) għall-pensjonanti li joqgħodu f’dawn il-pajjiżi. Il-pajjiżi fis-SEPA huma l-pajjiżi tal-UE, l-Assocjazzjoni Ewropea ta’ Kummerc Ħieles (EFTA), Monaco u San Marino.
Persuni f’dawn il-pajjiżi li se jibdew jircievu pensjoni se jibdew mill-ewwel jircievu dan il-beneficcju fil-kont SEPA tagħhom. Għal dawk li kienu diġà jircievu pensjoni u joqgħodu f’pajjiż tas-SEPA, id-Dipartiment qiegħed f’perjodu tranżizzjonali biex, sal-aħħar tas-sena, ħlasijiet isiru direttament fil-kontijiet tagħhom minflok permezz tal-ambaxxati.
Il-Gvern Malti ta l-pożizzjoni tiegħu dwar il-Komunikazzjoni mill-Kummission Ewropea Il-moviment liberu taċ-ċittadini tal-UE u l-familji tagħhom: Ħames azzjonijiet li jagħmlu differenza (COM(2013) 837). Il-Gvern mhux qed joġġezzjona għall-proposti. Għalkemm jinnota li n-numri jikkoncernaw minoranza ta’ cittadini, il-kwistjoni hija wkoll marbuta mal-percezzjoni socjali li għandha tendenza tqis kull abbuż bħala problema sinjifikanti. Dan jaf iwassal għal telfien ta’ fiducja fil-principju tal-moviment ħieles.
Il-Gvern iddikkjara ruħu impenjat bis-sħiħ f’dan id-dritt u t-twemmin tiegħu li dan id-dritt jiġi eżercitat b’mod responsabbli.
Proposta emendata li oriġinarjament kienet ipproponiet il-Kummissjoni kważi seba’ snin ilu dwar id-dritt tal-pensjoni supplementari ġiet għad-diskussjoni fil-Kunsill tal-UE. Il-proposta mistennija li ssaħħah id-drittijiet minimi fejn tidħol il-portabilità tal-pensjonijiet supplementari (i.e. dawk li jikkumplimentaw il-pensjonijiet tas-sigurtà socjali nazzjonali) meta ħaddiema jeżercitaw id-dritt ta’ moviment ħieles fl-UE.
Wara r-rapport dwar ic-cittadinanza Ewropea li ħarġet aktar kmieni dis-sena, issa l-Kummissjoni Ewropea ħarġet Komunikazzjoni dwar azzjonijiet li jistgħu jittieħdu fejn tidħol libertà tal-moviment fl-UE. Id-dokument jipproponi ħames azzjonijiet: għajnuna lill-Istati Membri biex jiġġieldu ż-żwiġijiet ta’ konvenjenza, għajnuna lill-awtoritajiet biex japplikaw ir-regoli ta’ koordinazzjoni tas-sigurtà soċjali tal-UE u biex iwettqu l-isfidi tal-inklużjoni soċjali, l-indirizz tal-ħtiġijiet tal-awtoritajiet lokali bil-promozzjoni tal-iskambju tal-aħjar prattiki u għajnuna lill-awtoritajiet lokali biex japplikaw ir-regoli tal-UE dwar il-moviment liberu fil-post.
Maltin fil-Belġju 