Il-Gvern Malti għadu kemm vara app li twassal servizzi tal-Ministeru tal-Affarijiet Barranin lil Maltin imsiefra.
Malta Travel Point tagħti pariri dwar vjaġġar (inkluż prekawzjonijiet u informazzjoni fuq kundizzjonijiet politici u ta’ sigurtà), l-eqreb rappreżentazzjoni diplomatika Maltija u kuntatt fil-Ministeru fil-każ t’emerġenza. L-app tagħti wkoll informazzjoni dwar l-eqreb għasses tal-pulizija u sptarijiet.
Il-kumpanija Malti Corinthia Hotels ħabbret li akkwistat il-lukanda Astoria f’Rue Royale, Brussell. Din il-lukanda storika kienet inbniet fl-1909 fuq talba ta’ Leopoldu II, Re tal-Belġjani, u bħala lukanda ta’ lussu laqgħet fiha numru ta’ mistiedna distinti fosthom Sir Winston Churchill u Dwight Eisenhower. Il-lukanda ilha vojta għal dawn l-aħħar għaxar snin.
Wara x-xogħol ta’ restawr il-Corintha Grand Hotel Astoria se tkun tikkonsisti f’121 kamra għall-mistednin u numru ta’ facilitajiet oħra.
Il-programm tal-RBTF, l-istazzjoni televiżiv Belġjan, Télétourisme, għamel ġimgħa jxandar dwar Malta. Hemm żewġ programmi dwar il-Belt, il-gżira ta’ Malta, Għawdex u Għawdex u Kemmuna.
Il-Kummissjoni Ewropea għadha kemm ħarġet rapport Dwar progress effettiv lejn Ċittadinanza tal-UE 2011-2013 li jkopri l-progress li sar mir-rapport precedenti tal-2010. Il-Kummissjoni għamlet ukoll tnax-il rakkomandazzjoni ġdida għal dan il-qasam għas-snin li ġejjin. Continue Reading
L-AirMalta varat it-tieni filmat fuq YouTube biex tippromwovi l-linja tal-ajru. Fih jidhru erba’ plejers tat-tim Belġjan ta’ OH Leuven — Alessandro Cerigioni, Dean Michiels, Joren Dehond u Thomas Azevedo — u l-ex-plejer internazzjonali Malti Carmel “il-Bużu” Busuttil. Minbarra li kien jilgħab ma’ Malta Busuttil kien ukoll għal xi żmien ma’ tim ieħor Belġjan KRC Genk.
Il-plejers Belġjani kienu f’Malta mat-tim tagħhom għal training camp fix-xitwa.
Bħal snin imgħoddija, stqarrija tad-Dipartiment tal-Informazzjoni ta’ Malta elenkat il-ħidma tal-Ambaxxata Maltija fil-Belġju.
Minbarra li tkompliet il-ħidma biex tippromwovi lil Malta bħala centru tat-tagħlim tal-Ingliż, issemmew ukoll l-appoġġ li ngħata lill-Bank of Valletta biex jiftaħ ufficcju fi Brussell u lill-Istitut ta’ Nursing ta’ La Louvière biex issir serata in vista ta’ żjara ta’ studenti ta’ dan l-istitut f’Malta, il-kommemorazzjoni tal-festa ta’ San Pawl u l-ħatra t’ambaxxatrici l-ġdida għall-Belġju.
Stqarrija tad-Dipartiment tal-Informazzjoni ta’ Malta ssemmi numru t’inizjattivi li ħadet l-ambaxxata ta’ Malta fil-Belġju biex tippromwovi lil Malta fil-pajjiż. L-ewwel kien hemm l-assistenza pprovduta lill-“Institut Provincial de Nursing du Centre de La Louvière” biex tiġi organizzata serata Maltija in vista ta’ żjara li se ssir Malta minn membri tal-Istitut.
L-ambaxxata kienet ukoll qed tassisti fi żjara li se jagħmlu Malta grupp ta’ studenti mmexxija minn Carla Dejonghe, Skabin tal-Kultura fil-kunsill ta’ Woluwe St.-Pierre u membru tal-Parlament Brussellin.
It-tielet inizjattiva kienet introduzzjoni għal Malta għal grupp ta’ nisa membri tal-“Women’s International Club of Brussels” li wkoll se jżuru Malta. Dan il-grupp se jkun immexxi minn Helen Palk, il-mara ta’ Richard Palk, Konslu-Ġenerali tal-Awstralja għall-Belġju u ex-Kummissarju Għoli Awstraljan għal Malta.
Tħabbru l-attivitajiet li l-Ambaxxata Maltija fil-Belġju se tkun qed torganizza fl-2012.
Ftit ilu ħarġet stqarrija dwar il-ħidma tal-ambaxxata Maltija fi Brussell. Fost l-oħrajn, issemmew l-attivitajiet fil-festa ta’ San Pawl u fl-Għid, il-partecipazzjoni fl-Ommegang, wirjiet u promozzjoni turistika.
L-ambaxxatur ta’ Malta għall-Belġju għamel żjara ufficjali lill-Carle Dejonghe, President tal-Assemblea tal-Kummissjoni tal-komunità Fjamminga. Fil-laqgħa kienu diskussi temi dwar oqsma ta’ kooperazzjoni bħal xogħol u taħriġ għal studenti Maltin partikolarment fl-oqsma tal-ospitalità u turiżmu, assistenza lil studenti li jistudjaw Brussell u inizjattivi kulturali. Ritratt tal-laqgħa jinstab hawn.
Maltin fil-Belġju 